Kryeministri i Kosovës dhe njëherësh kryetari i Lëvizjes Vetëvendosje Albin Kurti, ka folur në mbledhjen e 47-të të Këshillit të Përgjithshëm të kësaj partie.
Kurti gjatë fjalimit të tij ka prezantuar që janë bërë nga ekzekutivi i Kosovës dhe ato që janë planifikuar të bëhen në të ardhmen.
Ai po ashtu ka folur edhe për dy vizitat që i ka zhvilluar në Shtetet e Bashkuara të Amerikës dhe Zvicrës, ku tha se ato janë me sukses në shërbim të shtimit të mundësive për investime dhe siguri në Kosovë.
Kreu i ekzekutivit shtoi se matjet e nxjerrin Kosovën si fanar të demokracisë.
“Kryetari Kurti foli edhe për matjet e publikuara nga organizatat e jashtme që e nxjerrin Kosovën si fanar të demokracisë. Ai tha se ato tregojnë më së miri ndryshimin substancial në vendin tonë, ndryshimin përmbajtjesorë të imazhit të Kosovës, si dhe japin hapësirën e duhur të aplikojmë për anëtarësim në Këshillin e Evropës, në Partneritetin për Paqe të NATO-s dhe në Bashkimin Evropian”, njofton Lëvizja Vetëvendosje.
“Në lidhje me vizitën e gjatë dhe të frytshme jashtë vendit në ShBA dhe Zvicër, Kurti tha se ato janë zhvilluar me sukses në shërbim të shtimit të mundësive për investime dhe siguri në Kosovë”.
