Presidenti i Rusisë,Vladimir Putin, ka telefonuar homologun serb Aleksandar Vuçiq, për ta uruar për fitoren zgjedhore.
Biseda ndodh kur po shënohen gati dy muaj nga nisja e pushtimit ushtarak që Putin po i bënë Ukrainës.
Nga zyra e Vuçiq njoftuan se telefonuesi i tregoi në detaje atij se pse e bënë atë që e quan “operacion të posaçëm”
Nuk u përmenden kërkesat e vazhdueshme që po vijnë nga BE-ja ndaj Serbisë që ti vendos Rusisë sanksione.
Në njoftim potencohet fakti që Vuçiq i tha Putinit se vazhdojnë me rrugën evropiane duke e ruajtur me besnikëri marrëdhënien tradicionale e të fortë që e kanë me federatën ruse.
Ndërkohë për kontratën që e kanë për furnizim me gaz e që përfundon më 31 Maj, ata u pajtuan se duhet shpejt të nisin bisedimet për çmim, sasi e kushte tjera të ujdisë së re.
Kjo është biseda e parë ndër vite mes Putin e Vuçiq pas së cilës në asnjërin njoftim nuk përmenden shkëmbimet ushtarake mes këtyre dy aleatëve.
Beogradi është blerës i rregullt i armatimit nga Moska. Kjo e fundit në disa raste edhe i ka bërë dhuratë ushtrisë serbe , tanke e sisteme raketash.
