Artisti Ҫun Lajҫi në një postim të tij në Facebook ka treguar se kë do ta votoj këto zgjedhje. Ai ka thënë se zgjedhjet do të mbahen në muajin kur ai mbushë 79 vjet.
Artisti thotë se votën do t’ia jap Albin Kurtit, që të mos e lë vendin në zhgënjim.
Mirëpo, përmend edhe emrat tjerë të Vetëvendosjes që do të marrin votë nga ai.
Albulena Haxhiu, Ejup Maqedonci, Donika Gërvalla, Glauk Konjufca e të tjerë do të marrin vota poashtu nga ai.
Postimi i plotë:
( Kujdes: – ata që ofendojnë do ti bllokon FB!)
“Edhe kësaj radhe… e pastaj”
Edhe kësaj radhe,
madje veç edhe këtë herë,
(se e keni zgjedhë muajin kur unë i mbush 79 vjet),
si njeri që s’e ka hupë krejt shpresën
e s’ka qejf me ia lanë vendin zhgënjimit,
me lutjen e heshtun
që oborri i partisë tij dhe i shtetit
të pastrohet njiherë e përgjithmonë
prej t’paqenunit që s’dinë as me u turpnue.
Albulena dhe Ejup Maqedonci
i kanë emnat e tyne n’fletën teme të votës.
Dora s’më dridhet as kësaj radhe —
jo prej verbnisë,
po prej vendimit:
Gërvalla, Konjufca, Rizvanollka, Çeko,
edhe Burim Demiri i Gjilanit.
Burimin madje me shumë dëshirë,
se fjala i del me za,
e koka s’i rrin ulë.
“Edhe këtë luftë e do t’martohem”,
thoshte nji film i vjetër
kur pranvera vinte me vonesë.
E unë po e përsëris sot,
me ironi t’butë e shpresë t’lodhun:
edhe kësaj radhe…
e pastaj do t’shohim
a vjen pranvera
apo na rrejti edhe kjo herë.
14.12.2025
