12:20 / 27 July 2024
Aktori i njohur për publikun, Jul Deda ka prekur sot ndjekësit e tij me postimin e bërë në rrjetet sociale. Ai ka publikuar një fotografi të vjetër ku shfaqet së bashku me babain e tij të ndjerë, Zef Deda. Postimi përkon me ditëlindjen e aktorit të ndjerë, ndaj dhe Juli zgjodhi disa fjalë prekëse për të atin.
“Sot do ishte 74 vjeç! Njerëz si ti, zemra ime, kanë vetëm një datë, atë të lindjes. Gëzuar ditëlindjen Bos. Një Zot e di sa më ka marrë malli për ty…!”, ka shkruar ish-finalisti i “Big Brother VIP 3”.
Kujtojmë se aktori i mirënjohur, Zef Deda, ndërroi jetë në nëntor të vitit 2023. Ai ishte një nga komedianët më të mirë të Shqipërisë, i cilësuar edhe si Charlie Chaplin i Shqipërisë.
