“Nuk ka kurrfarë korrupsioni e keqpërdorimi. Unë kam besim të plotë në Ministren Rozeta Hajdari dhe në punën e saj… Humbësit i gjeni tek elita e vjetër dhe e korruptuar politike, te gjykatës dhe prokurorë të saj, te mediat e keqpërdoruara pёr mbështetje tё krimit
Kjo deklaratë e kryeministrit të Kosovës, Albin Kurti u bë në kohën kur 3 persona ishin arrestuar për keqpërdorim të rezervave shtetërore.
8 muaj pas intervistimit të ministres së Tregtisë e Industrisë Rozeta Hajdari, nga Prokuroria Speciale e Kosovës, shefi i saj kryeministri Albin Kurti, është ftuar të dëshmojë për këtë çështje.
Mbrëmjen e së mërkurës, zëdhënësi i qeverisë, publikoi ftesën që i është dërguar Kurtit, në vendin e tij të punës, nga dy prokurorë special, që të hënën e ardhshme të paraqitet në zyrat e Prokurorisë Speciale në cilësinë e dëshmitarit.
Por, i pyetur nëse do ta respektojë ftesën e institucionit që vazhdimisht e kritikon, Kurti pati përgjigje siç ndodh rëndom para gazetarëve.
“Jam me nxitim…”
Por, ashtu siç e specifikon ftesa edhe avokati Yll Zekaj thotë se është obligim i Kurtit të paraqitet.
“Gjithsesi se duhet, kryeministri duhet të tregoi kulturë institucionale dhe pavarësisht për cka është thirrur ai duhet të shkojë në Prokurorinë Speciale dhe ta ofrojë dëshminë e vet, për të dëshmuar rreth cështjes, që prokuroria ka interes. Nëse është ftesa politike në këtë kohë nuk mund të paragjykojmë por nuk është dashur të jetë. Prokuroria duhet ta shqyrtojë cështjen pavarësisht rrethanave politike që mund të jenë”, ka thënë Kurti.
Por, siç citohet Kodi i Procedurës Penale në këtë ftesë, nëse Kurti nuk paraqitet, mund të dënohet 250 euro për çdo mosparaqitje. Ndërkaq, nëse edhe pas kësaj refuzon të dëshmoj, ateherë mund të burgoset deri në një muaj burgim.
Megjithatë sqarimet në ftesë, avokati Arbër Jashari mendon se Prokuroria gaboi që e dërgoi ftesën në Qeveri e jo adresën personale të kryeministrit.
“Kjo ka ardhur për shkak se mbase për prokurorinë ka qenë më e lehtë por ndoshta fillimisht është dashur që ti dërgohet në shtëpinë e tij në vendin ku jeton e banon e më pas në vendin e tij të punës”, ka thënë Jashari.
Në gusht të 2023 nën dyshimet për keqpërdorim të detyrës zyrtare, ishin arrestuar dy zyrtarë të Ministrisë së Industrisë, Ndërmarrësisë dhe Tregtisë e biznesmeni Ridvan Muharremi, që u raportua se ishte i afërt me kryeministrin Albin Kurti.
