Sipas të dhënave të Ministrisë së Arsimit, Shkencës dhe Teknologjisë, paga bazë për mësuesit që japin mësim në shkolla fillore është 421.20 euro, ndërsa në shkollë të mesme kjo pagë është 459.95 euro.
Këto paga kur u ngriten vite më parë ishin të dinjitetshme, por me rritjen aktuale të çmimeve janë shumë pak për mësimdhënësit tonë.
Për të pasur një jetë më të mirë, paga e një mësimdhënësi do të duhet të ishte 800 deri 1 mijë euro.
Por kjo gjë vështirë se mund të realizohet.
Pavarësisht këresave të vazhdueshme të SBASHK-ut në Kosovë nuk ka shenja që do të rriten pagat në Kosovë.
Duke parë përplasjet MASHT-SBASHK, nuk pritet që të ketë diçka në këtë drejtim.
Një shpresë mund të jetë kur të miratohet ligji i pagave, por as kjo nuk dihet kur do të ndodhë.
