Shefi i Grupit Parlamentar të Aleancës për Ardhmërinë e Kosovës (AAK), Besnik Tahiri, ka thënë se rritja e tij në sektorin publik të janarit të vitit të ardhshëm, është e kundërligjshme me ligjin aktual për buxhetin.
Deputeti Tahiri ka thënë se rritja e pagave nga janari i vitit 2025 ‘është vendosur’.
“Ajo çka keni pa sot në konferencën e Kryeministrit dhe Ministrisë së financave, në atë që është skandaloze, në lidhje me përfundimin dhe kuptimin e plotë të komunikimit të një politike publike është përfundimi. Ajo ka ndodhur në këtë konferencë, shpërfaq një ngjarje që në esencën nuk e rrit pagën. Për shkak se rritja e një formë hierarkie të koeficientit që gjendet në shtojcën e ligjit të pagave mund të ndodhë vetëm në qoftë se ky ligj i nënshtrohet një procesi konsultimi dhe amandamentimi në Qeveri dhe pastaj në dy leksime në parlament”, ka thënë Tahiri.
Sipas Tahirit, rritja e saj për 80 mijë punonjës në sektorin publik, ‘është blerë votash për zgjedhjet që do të mbahen në shkurt 2025’.
“Ajo çka ka ndodhur, është për momentin e kundërligjshme dhe për të hyrë në fuqi do të duhej të hy në një procedurë ligji i pagave. Me mashtrua një korpus prej 80 mijë njerëzve, prej të cilëve kërkon me këtë qasje, të bëhet një blerje votash”, ka shtuar ai.
Qeveria e Kosovës ka vendosur që nga janari i vitit të ardhshëm të rris pagat për punonjësit e sektorit publik për 55 euro në muaj, ndërsa nga korriku do të rritet për 110 euro.
Nga kjo fitojnë të rriten, mësuesit, politikat, infermierët, ushtarët dhe zjarrfikësit
Sipas raportit të tyre, mësuesit kanë 616 euro pagën bazë, ndërkaq me rritjen do të marrin 726 euro.
Policët nga 550 euro do të marrin 660 euro, infermierët nga 605 do të marrin 715 euro, zjarrfikësit nga 550 euro do të marrin 660 euro dhe ushtarët nga 616 euro do të marrin 726 euro.
Ndërkaq, kryeministri i Kosovës, Albin Kurti, ka bërë të ditur se buxheti i planifikuar për vitin 2025 është 3.6 miliardë euro.
