Kryetari i Lidhjes Demokratike të Kosovës, Lumir Abdixhiku, qëndroi në Bashkësinë Islame të Kosovës, ku përcolli urime për të gjithë besimtarët myslimanë me rastin e festës së Bajramit të Madh.
Me këtë rast, Abdixhiku, u shpreh se Bajrami jep mesazhin e solidaritetit dhe të sakrificës si dy vlera të rëndësishme që uroi të jenë të pranishme në shoqërinë tonë edhe pas kësaj feste pasi kështu, siç tha ai, e mbajmë shoqërinë drejt begatisë së përgjithshme.
“Në këtë festë ne mësojmë shumë, mësojmë për vlerat bazike njerëzore, atë të solidaritetit dhe atë të sakrificës si dy vlera jetike për çdo njeri, për sjelljet tona, për shoqërinë tonë, për politikën tonë pa përjashtim. Lutemi që këto të njëjtat të vazhdojnë edhe përtej festës së sotme, përtej muajit të kaluar sepse kështu mbajmë shoqërinë tonë drejt begatisë së përgjithshme”, tha Abdixhiku.
Besimtarët myslimanë në të gjithë botën sot kremtojnë Fiter Bajramin, që është festa që vjen pas muajit të shenjtë të Ramazanit për myslimanët të cilët për 30 ditë privohen nga ushqimi e pija nga lindja deri në perëndim të diellit.
