Mbyllja e objekteve ilegale të Serbisë ka arritur të sjellë reagime të mëdha në opinonin vendor dhe atë ndërkombëtar.
I habitur me reagimet e opozitës dhe disa analistëve shprehet deputeti Mefail Bajqinovci.
Ai përmes një postimi në Facebook thotë se për Bashkimin Evropian e dim që përdor standarde të dyfishta, mirëpo reagimet e opozitës janë të pakapshme, përcjell “Bota sot”.
“Qeveria jonë po bën pikërisht atë që është në interesin e qytetarëve”, shkroi ndër tjera deputeti.
Postimi i plotë
Ajo, që është vërtetë për t’u habitur, është se pse opozita dhe disa analistë janë duke e shprehur pakënaqësinë e tyre ndaj mbylljes së objekteve ilegale të serbisë.
Për Bashkimin Evropian e dim që përdor standarde të dyfishta kur bëhet fjalë për mbylljen e objekteve ilegale të strukturave paralele në Republikën e Kosovës, në emër të “Koordinimit”.
Qeveria jonë po bën pikërisht atë që është në interesin e qytetarëve, po zbaton rendin dhe ligjin duke i dhënë fund këtyre institucioneve të paligjshme që kanë prodhuar dhunë dhe terror.
