Ali Sefaj, ish-ushtar i UÇK-së që për publikun më shumë njihet si sindikalist, ka shkruar një status, në të cilin është revoltuar rreth numrit të dëshmorëve në një lapidar në Istog, qytetin prej nga ai vjen. Ai ka reaguar në lidhje me emrat e 14 viktimave civile që ai dyshon se do të përfshihen në kuadër të dëshmorëve të UÇK-së.
Sipas tij, në lapidar është falsifikuar numri i dëshmorëve të Istogut. Në pretendimin e z. Sefaj, 14 viktima civile janë përfshirë në lapidarin e dëshmorëve të UÇK-së.
“Lapidari i dëshmorëve në Istog duhet t’i këtë vetëm emrat e 51 dëshmorëve, por jo edhe të 14 viktimave civile të bërë me të njofshem dëshmorë.” – shkroi ai.
Z. Sefaj i ka kërkuar edhe kryetarit të Istogut, Ilir Ferati, të veprojë e të mos lejojë “ndryshimin e fakteve historike”.
“Mos lejo qe me taksat tona dhe me punën tende të ndryshohen faktet historike, por vendosi vetëm emrat e 51 dëshmorëve të rënë në luftën e UÇK-së. Njerëzit hyjnë në histori për atë qe bëjnë, sot edhe ti ke mundësi të mbetesh si kryetari qe nderoj dhe mbrojti të vertetën për 51 dëshmorët e komunës se tij.” – shkroi tutje Sefaj.
