NGA: REXHEP TORTE
Opozita në Kosovë po tregon se është tërbuar, sepse çdo ditë e më shumë po i shtrëngohet laku rreth qafës nga të ligat dhe dëmet që kjo opozitë ia ka shkaktuar Kosovës.
PDK, LDK dhe AAK, e dinë se nuk mund të jenë njëherit edhe tradhtarë edhe atdhetarë të Kosovës, e dinë se nuk mund të tregohesh se gjoja e duash Kosovën, ndërsa në anë tjetër ke organizuar vëllavrasje dhe ke kryer hajni multi milionëshe në Kosovë.
Këmbëngulësia e PDK-së, LDK-së dhe AAK-së për ta mbrojtur tradhtinë dhe hajninë që e kryen në Kosovë, tregon qartë se ju ka hy frika në palcë, nga angazhimet Albin Kurtit dhe Qeverisë tij për reformën në drejtësi, në prokurori dhe në gjyqësi, për Vettingun që po përgatitet dhe për fillimin e funksionimit të Byrosë për verifikimin dhe konfiskimin e pasurisë së pajustifikueshme.
Të gjitha këto ua kanë futur tmerrin PDK-së, LDK-së dhe AAK-së, e tani sukseset që po i arrijnë Albin Kurti dhe Qeveria e tij dhe Presidentja Vjosa Osmani, tani po mundohen në çdo mënyrë t’i minimizojnë dhe t’i kritikojnë këto suksese, duke kërkuar edhe rrëzimin e Qeverisë së Albin Kurtit dhe të Presidentes Vjosa Osmani.
PDK-së, LDK-së dhe AAK-së, u pengon edhe qëndrimi i palëkundur i Albin Kurtit dhe i Qeverisë së tij, dhe i Presidentes Vjosa Osmani karshi dialogut Kosovë-Serbi.
Kjo opozitë mjerane përkundër të gjitha tradhtive dhe dëmeve që ia ka shkaktuar dhe po ia shkakton Kosovës, kjo opozitë mjerane, me pafytyrësinë më të madhe po mundohet t’i fajësojë padrejtësisht Albin Kurtin dhe Qeverinë e tij dhe Presidenten Vjosa Osmani.
Të kota janë kukuvajkat e PDK-së, LDK-së dhe AAK-së dhe të gjitha akuzat me të cilat e fajësojnë Qeverinë ë Albin Kurtit, sepse Albin Kurti nuk ka bërë tradhti, nuk ka bërë hajni multi milionëshe siç bëri PDK me Hashim Thaçin, Kadri Veselin, nuk ka bërë tradhti dhe hajni siç bëri Isa Mustafa, nuk ka bërë tradhti dhe hajni siç ka bërë Ramush Haradinaj.
