Lajme

Beqa i PDK-së: Kjo Qeveri nuk ia vlen të shkojë më tutje!

Ministrja Hajdari deklarohet për aksidentin e sotëm: Një fëmijë u përplas në veturën time

3:01 / 13 May 2024

Deputeti i PDK-së, Hajdar Beqa thotë se çështja e dinarit nuk është dashtë të shkojë fare në dialog.

Beqa në një prononcim për GazetaBlic thekson se, kjo çështje do të duhej të zgjidhej përmes BQK-së dhe Republikës së Kosovës.

“Kjo çështje është dashtë të mos shkojë hiç në dialog, por të zgjedhet brenda Bankës Qëndrore dhe Republikës së Kosovës, është kohë e humbur e deligacionit të Kosovës sikur kohën që e ka humbur edhe në shumë raste tjera”, tha Beqa.

Sipas Beqës, Kosova do të duhej të fokusohej më shumë në anëtarësimin në KiE dhe në heqjen e sanksionve.

Tutje, ai shton se Qeveria e Albin Kurtit duhet të përfundojë mandatin sa më shpejt.

“Mendoj se energjia e delegacionit të Kosovës është dashtë të fokusohet tek anëtarësimi në KiE, po bëhet një vit që jemi në sanksione dhe nuk ka asnjë kuptim negocimi për dinarin”

“Po shihet që kjo Qeveri nuk ka agjendë dhe nuk ia vlen të shkon më tutje”, tha Beqa për GazetaBlic.

Ndryshe, emisari i Bashkimit Evropian për dialogun Kosovë-Serbi, Miroslav Lajçak, i ka ftuar kryenegociatorët e dy palëve që të vazhdojnë takimet për çështjen e dinarit në Bruksel.

Kështu bëri të ditur zëdhënësi i BE-së, Peter Stano, në një konferencë për medie.

“Ata do të takohen këtë të mërkurë këtu në Bruksel, dhe do të vazhdojnë diskutimet për gjetjen e një zgjidhje të qëndrueshme të përkohshme për njerëzit e prekur nga rregullorja e Bankës Qendrore”, tha ai.

Shpërndaje nëFacebook