Deputeti i Partisë Demokratike të Kosovës (PDK), Hajdar Beqa, në emisionin “FIVE” në RTV Dukagjini ka thënë se nuk ia vlen ta takosh presidenen e Kosovës, Vjosa Osmani.
“Nuk ia vlen të takosh një presidente e cila më shumë rri ulur si të jetë një notere e kryeministrit Kurti, sesa presidente e vendit”, ka thënë Beqa.
Beqa ka thënë se pozita e presidentit të vendit duhet të luajë vërtet rolin e vet. “Së paku duhet të jetë ekuivalent me presidentët tjerë paraprakë”, ka thënë deputeti Beqa, duke shtuar se Osmani ende nuk e ka kryer funksionin e presidentes.
“Mendoj që presidentja aktuale nuk ka qenë efkase”, ka thënë tutje ai, ku ka shtuar se nuk krahasohet me Hashim Thaçin.
Ndërsa, për kryeministrin e vendit, Albin Kurti, Beqa është shprehur se ai duhet t’u kërkojë falje qytetarëve.
“Ky kryeministër duhet t’u kërkojë falje qytetarëve për ato zotime që i ka bërë. Pavarësisht se kush është në pushtet, duhet të sillen si burrështetas, me keqardhje them se Kurti po sillet si opozitë”, ka shtuar deputeti i PDK-së, duke theksuar se tashmë ai e ka mandatin dhe se i njëjti duhet të marrë përgjegjësi.
Madje, ai është shprehur optimist që gjatë vitit të ardhshëm do të ketë zgjedhje.
“Unë jam shumë optimist që do të kemi zgjedhje diku në tremujorshin e dytë të vitit të ardhshëm, me të vetmin qëllim që Kurti po shihet që ka një poltikë të vetën dhe nuk mendoj që mundet me ia dale ashtu siç ja ka nisur rrugën diplomatike, apo bisedimet me Serbinë, sepse nuk ka pasur strategji. Ne kemi dështuar në shumë sektor, në sektorin e sigurisë së jetës, por edhe diplomacisë, nuk kemi asnjë njohje, nuk kemi asnjë anëtarësim në ndonjë organizatë kredile ndërkombëtare…”, ka potencuar ai.
Më tej, deputeti nga radhët e PDK-së ka deklaruar se kryeministri Albin Kurti është duke u sjellë si në fushatë zgjedhore dhe se i njëjti, “po shantazhon” personat që nuk e votuan.
