Aktori Çun Lajçi përmes një postimi në facebook ka shkruar në lidhje me fjalët se do të bie qeveria Kurti më 1 tetor.
Ai thekson që e njejta po vazhdon punen ani pse është tetori, përcjell “Bota sot”.
“Sa shumë qesha, kur mu kujtuen do deputata (jo deputet) që mblidhnin nënshkrime për gropën e shefit, e s’interesoheshin për bandat që po fusnin armë e po përgatiteshin me marr veriun”, shkruan ndër të tjera aktori.
Gjithashtu shtoi se s’di me çka tjetër do t’na bindin se ata janë t’mirë e ky ish kaçurreli asht i keq!
Postimi i plotë
Mbramë, kur rashë me fjetë bana gjynahe
Dua me shkrua e mundsisht mos me lexua askush!
– Kërsiti mali e diçka bani kopilani!
Kopilani dihet kush asht; – Albini, Bini, Alpini; – por jo zhapini!
Gjarpni assesi!
– Kryeministri të cilit deshtet me ia thye hundët që n’korrik, diçka bani, se kërsiti mali! Që n’gusht vutë afate; – me 1 tetor qeveria bie e Albin, Bin-Alpini shkon të shtëpia!
Njeni kështu me pati shkrua; – flasim me 1 tetor!
Por sot asht 4 tetori, e ai largpamësi s’u lajmërua ma, e Evropa po flet për nji kërsimë mali e nji shigjetë djali e Gonja s’po u beson ma as kishave as xhamiave. – Kontrolloni edhe xhamiat po thotë se mund t’ketë armë si n’Banjskë!
Tash u ka dalë gjumi e pija, këtyne xyrxullave!
Sa shumë qesha, kur mu kujtuen do deputata (jo deputet) që mblidhnin nënshkrime për gropën e shefit, e s’interesoheshin për bandat që po fusnin armë e po përgatiteshin me marr veriun!
– Vetëm ky far kopilani syshigjetë s’po flinte e s’po bahej xurxull të Bata, si trimat e nënshkrimeve!
Tani s’di me çka tjetër do t’na bindin se ata janë t’mirë e ky ish kaçurreli asht i keq!
– Mbramë, kur rashë me fjetë bana gjynahe; – e luta Zotin me na lanë pa emisionet e debateve e pa emisarët e portaleve!
– Merri Zot të vetja analistët e kryetarët e partive, thashë, e shtërgojau telat, se janë çakordua si sharkia ime, u luta mbramë kur rashë me fjetë!
Kam hi n’gjynah!
M’duhet me shkua të Baba Sheh me pi ujë t’bekuem!
