Lajme

Dedaj: Shumë individë të LDK-së kanë bërë propagandë anti-UÇK

Ministrja Hajdari deklarohet për aksidentin e sotëm: Një fëmijë u përplas në veturën time

6:35 / 7 November 2023

Gjergj Dedaj, ish-ambasadori i Kosovës në Maqedoninë e Veriut, po dëshmon në Gjykatën Speciale të Hagës. Ai ka thënë se ka pasur zyrtarë dhe politikanë që kundërshtuan Ushtrinë Çlirimtare të Kosovës (UÇK), duke përfshirë edhe disa nga radhët e Lidhjes Demokratike të Kosovës (LDK). Dedaj ka theksuar se disa individë të LDK-së kanë bërë propagandë kundër UÇK-së

Gjergj Dedaj, ish-ambasadori i Kosovës në Maqedoninë e Veriut është duke e vazhduar dëshminë e tij në Gjykatën Speciale të Hagës.

I pyetur nga avokati se a kishte zyrtarë dhe politikanë që flisnin kundër Ushtrisë Çlirimtare të Kosovës, Dedaj ka thënë se se ka pasur nga parti të ndryshme, përfshirë edhe LDK-në.

Sipas Dedajt, individë të LDK-së kanë bërë propagandë anti-UÇK dhe kanë tentuar të denigrojnë luftën e UÇK-së

“Ishin të partive të ndryshme, sepse në UÇK ka pasur anëtarë të të gjitha partive, edhe anëtarë të Partisë Liberale të Kosovës. Ka pas edhe individë, më shumë në LDK se ka qenë partia më e madhe, që kanë bërë propagandë anti-UÇK-së që kanë tentuar me denigru luftën heroike”, ka thënë Dedaj.

Shpërndaje nëFacebook