Ish-nënkryetari i LDK-së, Agim Veliu, ka reaguar ashpër ndaj nënkryetares aktuale të partisë, Doarsa Kica-Xhelilit, për mënyrën se si është bërë renditja e kandidatëve në listën zgjedhore, shkruan Insajderi.
Ai e ka quajtur renditjen skandaloze, duke kritikuar faktin që Avdullah Hoti, ish-kryeministri dhe një figurë kyçe e LDK-së, është vendosur në pozitën e 13-të, ndërsa kryetari i grupit parlamentar është renditur i 14-ti.
Veliu ka përmendur edhe Hykmete Bajramin, e cila është renditur pas Doarsa Kica-Xhelilit, e cila dikur ishte pjesë e Vetëvendosjes.
“E ka bërë vetë renditjen, një renditje skandaloze në listë, duke e lënë Avdullah Hotin, ish-kryeministrin dhe një figurë kyçe të LDK-së, në pozitën e 13-të, kryetarin e grupit parlamentar në të 14-tën, ndërsa Hykmete Bajramin pas Doarsa Kicës, e cila kishte ardhur nga Vetëvendosja. Edhe pak po ta gërvishësh, i del shenja e Vetëvendosjes.”, tha ai në rtv Dukagjini, përcjell Insajderi.
