3:36 / 12 December 2024
Sekretari i Partisë Demokratike të Kosovës (PDK), Betim Gjoshi ka lavdëruar kandidatët për deputetë të kësaj partie, të cilët janë përfshirë në listën e publikuar të mërkurën për zgjedhjet e shkurtit 2025.
Gjoshi është shprehur i bindur se PDK do të jetë fituese në krye me Bedri Hamzën.
“Është nder me prezentu dhe me fol për ekipin fitues dhe me integritet që i prin z.Hamza e që pasohet nga z.Krasniqi dhe Vlora Çitaku, e që ka në mesin e vet 110 burra dhe gra që janë të përkushtum dhe plotë energji”, ka thënë Gjoshi.
Gjoshi ka bërë me dije se mesditën e së mërkurës është miratuar lista përfundimtare dhe është dërguar për regjistrim në KQZ. /Gazeta10/
