Deputeti nga Lista Guxo, Burim Meta ka kërkuar që ndaj ambasadorit Martin Berishaj të merret një vendim, teksa thekson se Berishaj duhet të lirohet nga detyra, raporton Sot News.
Përmes një shkrimi në “Facebook”, Meta thotë se një vendim i tillë do ta ruante imazhin e Kosovës.
POSTIMI I PLOTË:
Bazuar në bindjet e mia, mendoj që për rastin e ambasadorit z. Martin Berishaj, duhet të merret një vendim. Është mirë që z. Berishaj të lirohet nga detyra deri në vërtetim të pafajësisë. Me një vendim të tillë, në këtë situatë që gjendet shteti ynë, do të ruhej imazhi i Kosovës pakrahasimisht më shumë sesa me mbajtjen në detyrë të Ambasadorit në fjalë, duke respektuar edhe prezumimin e pafajësisë. Gjithashtu, si shtet nuk guxojmë që të rrezikojmë që në një shtet mik, siç është Kroacia, shtet që e kemi referencë në shumë procese, të përfaqësohemi me një figurë të përfolur tashmë për gjëra që më së paku do të duhej të përfolen ambasadorët.
