Halil Geci, veprimtar dhe babai i deputetit të GUXO, Fatos Geci, ka folur rreth çështjes së presidentit,
Geci ka njoftuar se pas deklarimit të Murat Jasharit, tash e mbështet pamëdyshje Vjosa Osmanin për presidente.
Postimi i plotë:
MESAZHI I QARTË I JASHARAJVE NDRYSHON QËNDRIMET NË GARËN PËR PRESIDENT
Pas deklaratës së Murat Jashari se familja e Adem Jashari nuk i përket asnjë partie politike dhe mbetet simbol i gjithë Kosovës, shumë dilema u sqaruan.
Po të kandidonte Murati apo cilido nga familja Jashari, për mua nuk do të kishte alternativë tjetër. Mirëpo, pas qëndrimit të tij të prerë se nuk do të jetë pjesë e garës, qëndrimi im merr një drejtim të ri.
Sot, me përgjegjësi dhe besim të plotë, unë dhe rrethi im i gjerë do ta mbështesim pa asnjë mëdyshje kandidaturën e Vjosa Osmani për Presidente.
Ky qëndrim shënoi një pikë kthese, duke përforcuar bindjen se trashëgimia e familjes Jashari qëndron mbi interesat e politikës ditore dhe i përket mbarë Kosovës e shqiptarisë. Në këto rrethana, mbështetja ime tashmë drejtohet qartë kah Presidentja Osmani, e vlerësuar për përfaqësimin dinjitoz të Kosovës në arenën ndërkombëtare.
