Avokati Gazmend Halilaj ka hedhur një varg kritikash ndaj klasës politike në Kosovë, e cila sipas tij ka prodhuar vetëm antivlera ndër vite.
Halilaj në një postim në Facebook ka shkruar për të ashtuquajturit “peshqit e mëdhenj” që e kanë degraduar vendin.
Halilaj këto deklarata i ka dhënë edhe në një intervistë televizive së fundmi, ndërsa ka thënë se nuk i frikësohet askujt.
Ai ka thënë mes tjerash se Kosova është i vetmi vend në botë që për 20 vite nuk arriti të zbardh asnjë vrasje politike.
Postimi i plotë:
Gazmend Halilaj
Miq të dashur: mbajeni në mend…
I vetmi vend ishte Kosova që në kohë paqeje ishte copëtuar, madje kur ishte njohur si shtet nga më shumë se 100 shtete.
I vetmi vend që njerëzit arritën pasuri multimilionëshe, pa i thanë puna mbarë askush.
I vetmi vend që njerëzit u bënë “Doktor Shkence” pa lexuar asnjë libër.
I vetmi vend në botë që viktima siç ishim ne, ngriti idenë e faljes se krimeve të luftës nga regjimi serb, pa na kërkuar falje.
I vetmi vend që toka e ujitur me gjak, nga të pushtetshmit u ble nga 1 euro.
I vetmi vend që mërgimtarët si pasuri kombëtare, fyhen e poshtërohen, ani pse para dhe gjatë luftës dhe shtet ndërtimit ishin kontribut dhënësit- motori kryesor i gjithçkaje..
I vetmi vend në botë që për 20 vite, nuk ka arritur të zbulojë asnjë rast të vrasjeve politike, e as të nxjerr para drejtësisë asnjë peshk të madh…
I vetmi vend në botë që për 20 vite fëmijët e disa komandantëve dhe njerëzve të politikes u bënin konkurrencë fëmijëve të Sheikëve në Dubai..
