Haziri: Abdixhiku e mban rendin e shtëpisë, e presim me na udhëheq në pjesën paszgjedhore – koha për durim

Nënkryetari i Lidhjes Demokratike të Kosovës, Lutfi Haziri, ka përsëritur deklaratën e tij se pa Lidhjen Demokratike të Kosovës as nuk shkaktohen procese dhe as nuk mbyllen procese.

Në një reagim pas një komunikimi të publikuar mes gazetarit Berat Buzhala dhe Petrit Selimit ku flasin për formimin e Qeverisë së re e përmenden disa emra, Haziri ka thënë se është kreu i kësaj partie, Lumir Abdixhiku, ai që e mban “rendin e shtëpisë” dhe se po e presin atë t’i udhëheq në pjesën paszgjedhore.

“LDK respekton vullnetin qytetar dhe në mënyrë të përgjegjshme e pret Kryetarin e saj me na udhëheq në pjesën e tretë të zgjedhjeve, atë paszgjedhore. Koha për durim!”, ka shkruar Haziri.