Ish-kryeministri i Republikës së Kosovës, Avdullah Hoti ka komentuar shqetësimin e profesorit amerikan, Daniel Serwer për atë se “Kryeministri i Kosovës e ka idenë çfarë do dhe shpreson se ai do t’i përballojë pasojat”.
Hoti thotë se e ndanë të njëjtin shqetësim me profesorin, por sipas tij problemi është se pasojat bien mbi përpjekjet e Kosovës për anëtarësim në mekanizmat ndërkombëtar, transmeton Gazeta10.
Nuk mund dhe nuk duhet të rreshtohemi prapa atyre që nuk kanë ide si do të menaxhohet dhe përmbyllet në interesin e Kosovës kjo situatë komplekse politike dhe e sigurisë.
Sigurisht se kjo situatë ka ardhur si pasojë e ndërhyrjes së Serbisë tek komuniteti serb në Kosovë. Por kësaj radhe, për shkak se nuk i morëm parasysh këshillat e aleatëve, Kosova ka rënë në grackën e Serbisë.”, ka shkruar ai ndër të tjera./Gazeta10
