Hoxha: Opozita po punon për bosnjëzimin e Kosovës, Kurti do ta mbrojë

Ai ka thënë se, Albin Kurti dhe Lëvizja Vetëvendosje do të mbrojnë Kosovën prej bosnjëzimit, duke shtuar se është ky parimi më të cilin kanë ardhur në pushtet.

Në anën tjetër, Hoxha ka goditur opozitën duke thënë se po punojnë për bosnjëzimin e Kosovës.

“Opozita ka punuar dhe do të punojë për bosnjëzimin e Kosovës. Prandaj ra nga pushteti dhe është opozitë,”– ka shkruar ai.

Hoxha ka vazhduar duke thënë se nuk duhet t’u lëmë aleatëve mundësinë që të luajnë me ne, duke shtuar se Kosova nuk ka se çfarë të japë më shumë.

Drejtuar ish-qeveritarëve, Hoxha ka thënë se ‘ua kemi parë zullumin’, ndërsa ka përfunduar duke u shprehur se i populli e di mirë nëse vlenë apo jo asociacioni.