Hoxha: Opozita propozoi 26 janarin për zgjedhje pasi është muaji më depresiv për qytetarët

Analisti politik, Ylli Hoxha ka theksuar se partitë opozitare kanë propozuar 26 janarin si datë për zgjedhje, sepse është muaji më i vështirë dhe depresiv për qytetarët, kështu për ta sfiduar Qeverinë.

Analisti politik Ylli Hoxha ka ndarë mendimin e tij mbi propozimin e tri partive opozitare për të caktuar 26 janarin si datën për zgjedhjet e ardhshme.

Sipas Hoxhës, ky propozim është një lëvizje strategjike dhe logjike nga ana e opozitës, pasi janari është muaji më i gjatë dhe më i vështirë financiarisht për qytetarët.

“Është fundi i muajit më të gjatë në botë, pra janari, do të thotë njerëzit janë më të shpenzuar dhe është një periudhë më depresive e shoqërisë”, ka deklaruar Hoxha, duke shtuar se kjo periudhë është gjithashtu e shënuar nga rritja e llogarive që duhet të paguhen.

Sipas tij, kjo bën që data e propozuar të jetë më e disfavorshme për qeverinë.

“VV-ja mund ta imponojë një datë krejt tjetër përmes dorëheqjes”, ka shtuar ai.