Deputetja e LDK-së thotë se zhvillimet politike po çojnë drejt zgjedhjeve të reja.
Deputetja e Lidhjes Demokratike të Kosovës, Hykmete Bajrami, ka deklaruar se përgjegjësia për dërgimin e vendit në zgjedhje të reja bie mbi Lëvizja Vetëvendosje.
Duke folur në emisionin “Pressing” në T7, ajo tha se zhvillimet e fundit politike po sinjalizojnë se vendi mund të shkojë drejt zgjedhjeve, ndërsa theksoi se përgjegjësia për këtë situatë duhet të jetë e qartë.
Sipas Bajramit, qeveria aktuale nuk është e fokusuar në problemet e qytetarëve, por në, siç u shpreh ajo, “kapjen e shtetit”.
“Nëse shkojmë në zgjedhje dhe të gjitha indikacionet aty po çojnë, fajin duhet ta dimë dhe të jetë i qartë – është i Lëvizjes Vetëvendosje. Asnjë parti pas 28 dhjetorit nuk e ka pasur as shansin më të vogël për të zgjedhur presidentin”, ka deklaruar ajo.
