Sikurse thuajse në të gjitha zgjedhjet paraprake, edhe në këto zgjedhje partitë politike ua mësyejnë sindikatave për vota në prag zgjedhjeve, duke iu premtuar zakonshëm rritje të pagave.
Avazinë e vjetër tē partive politike, e ka vazhduar edhe kandidati i PDK-së për Kryeministër, Bedri Hamza, i cili sot takuar përfaqësuesit e Sindikatës së Shëndetësisë.
Hamza ka thënë se Sindikata e Shëndetësisë nuk po kërkon asgjë më shumë sesa atë që mjekët e meritojnë, përpos mbështetje të duhur dhe kushte që u mundësojnë të ofrojnë kujdes më të mirë dhe të shpëtojnë jetë.
Ai ka thënë se i mbështet kërkesat e Sindikatës së Shëndetësisë për ta prioritizuar mirëqenien e atyre që kujdesen për ne.
“Sindikata e Shëndetësisë nuk po kërkon asgjë më shumë sesa atë që mjekët e meritojnë: mbështetjen e duhur dhe kushtet që u mundësojnë të ofrojnë kujdes më të mirë dhe të shpëtojnë jetë. Rritje 50% të pagave për mjekët, infermierët dhe stafin tjetër shëndetësor. Investime në pajisje dhe teknologji moderne. Një buxhet të qëndrueshëm për sektorin e shëndetësisë, duke garantuar ilaçe dhe shërbime cilësore. Sigurime shëndetësore për të gjithë qytetarët e Kosovës. Unë i mbështes kërkesat e Sindikatës së Shëndetësisë për ta prioritizuar mirëqenien e atyre që kujdesen për ne. #MaMirë”, ka shkruar Hamza.
