Ismaili: Do ta ndërtojmë Spitalin e Prishtinës

Kandidati i Partisë Demokratike të Kosovës për kryetar të Prishtinës, Uran Ismaili ka premtuar ndërtimin e Spitalit të Prishtinës.

Ismaili ka theksuar se këtë premtim do ta realizoj si domosdoshmëri për mirëqenien dhe shëndetin e qytetarëve të Prishtinës.

“Unë do të jem kryetari i Prishtinës që funksionon – me lagje të pastra e të organizuara, me rrugë të sigurta dhe me qeverisje që i shërben qytetarëve në radhë të parë”, ka thënë ai në një tubim të mbajtur me banorët e lagjes “Nazim Gafurri”.