10:24 / 14 February 2026
Ish-zëdhënësi i NATO-s, Jamie Shea, duke folur për 18 vjetorin e pavarësisë së Kosovës dhe për sfidat që e presin Prishtinën, ka thënë se Qeveria e re në Prishtinë duhet ta rifitojë besimin e SHBA-së dhe partnerëve të saj evropianë.
Sipas Shea, aleatët në këmbim, duhet të punojnë më shumë për të siguruar njohjen e plotë të Kosovës dhe për të siguruar anëtarësimin e saj në organizatat ndërkombëtare.
“Nevojiten strategji të qarta dhe diplomaci publike ndërkombëtare më efektive, për të argumentuar anëtarësimin në NATO dhe BE”, thotë Shea për Radion Evropa e Lirë.
