4:04 / 13 November 2025
- Editorial satirik
Nga: Ëndrra e Pestë
Në selinë e PDK-së, një pastruese pyeti:
“Çka ka ndodhë?”
Një këshilltar u përgjigj me zë të ulët:
“Asgjë… veç e ndërrove fshesën!” - Sami Lushtaku, mjekërkaltri me theks që të kujton luftën edhe kur flet për pite:
“A është dorëheqja e përhershme?
Nëse po, po ta marrë unë!
Se sikur mos t’i shaja sinqerisht, s’do ta fitonim as Skenderajn, as Ferizajn!” - Kryetari i Ferizajt:
“Ndoshta kjo po ndodh për mua.
Të më jepte Zoti partinë të gatshme,
do ta kisha shpëtuar me një nënkalim!” - Atifetja:
“Mos ndoshta për shkak të amerikanëve po e zgjedhin një femër kryetare?
Mos e kanë fjalën për mua!
Shishkat po më sjellin fat…
më sjellni vizoren…shpejt!” - Arian Tahiri:
“More, mos e kanë dorëhequr hatri im?
Po duan të më bëjnë mua?” - Bedri Hamza:
“Si të refuzoj pa u vërejtur…” - Albin Kurti kërkon dorëheqje të koordinuara, si gjithmonë, me plan pune:
“Dorëheqja e Memlit nuk mjafton.
Kanë mbetur edhe katër kryetarë të PDK-së për t’u dorëhequr.
Demokracia kërkon përkushtim sistematik në dorëheqje të koordinuara!” - Në momentin që tha “koordinuara”, një gazetar pëshpëriti:
“Albini e ka dhunti të bëjë çdo dorëheqje të tingëllojë si reformë shtetërore.” - Lumir Abdixhiku, me butësi që të çon në depresion politik:
“Ne e respektojmë vendimin e zotit Krasniqi.
Dorëheqja është akt demokratik.”
Pastaj heshti gjatë, si LDK-ja, dhe shtoi:
“Në LDK, dorëheqjet i bëjmë më me stil:
pa konferencë, pa zë, pa frymë, dhe pa fakte.” - Hykmete Bajrami, me tonin e profesoreshës që korrigjon sistemin:
“Dorëheqja është tregues i pjekurisë politike.
Në ekonomi, kur largohet drejtuesi, quhet rotacion i kapitalit.
Në politikë, quhet krizë.”
Pastaj buzëqeshi pak dhe shtoi:
“Memli nuk ka bilanc pozitiv, por të paktën s’ka borxhe.” - Nga prapaskena u dëgjua një zë:
“Ka borxhe, ka!” - Narratori (unë):
Nuk dua të tregoj çfarë mendoj.
Por po të doja, do të thosha se:
nëse nuk dorëhiqesh në kohën e duhur,
pastaj nuk mund ta zgjedhësh dorëheqjen…
dorëheqja të zgjedh ty. - Reagimet e qytetarëve:
“Memli dha dorëheqje? Punë e madhe!”
“Të paktën dha dorëheqje vetë, jo si të tjerët që i shkarkon universi.”
“Memli kish qejf që tash Bedriu të bëhet kryetar…
po nëse ai do ta dinte kush është i mirë,
do të ishte bërë vetë i mirë…e s’do të dorëhiqej.”
“Dorëheqjet në Kosovë janë: kape njërin, a mësho tjetrit.”
P.S. “S’po mundem edhe të
të dua, edhe të të kem, moj skile.”
