9:31 / 13 June 2025
Kryetari i PDK-së, Memli Krasniqi, ka reaguar pas dështimit të 31-të të seancës konstituive.
Krasniqi para mediave deklaroi se deputetët e ish opozitës mund ta krijojnë shumicën, transmeton Telegrafi.
“Matematika është e thjeshtë, unë kam thënë edhe po e përsëris vetëm merrni 19 votat e LDK-së unë i bëj tjerat dhe bëhem 61”, deklaroi ai.
Ndryshe, sot u shënua edhe dështimi i radhës për konstituimin e Kuvendit. Seanca e 31-të dështoi pasi deputetët nuk votuan për formimin e Komisionit Zgjedhor, i cili do të mundësonte votimin e fshehtë për kandidaten për kryeparlamentare, Albulena Haxhiu.
Pas zgjedhjeve të 9 shkurtit, Kosova vazhdon të mbetet pa institucione të reja.
