Kryetari i Komunës së Istogut, Ilir Ferati vitin 2024 do ta nis me një veturë super luksoze e cila peshon hiç më pak se 52 mijë e 599 euro.
Komuna që udhëhiqet nga Ferati, ka zgjedhur Operatorin Ekonomik që do të bëjë furnizimin me veturë për zyrën e Kryetarit, rapoton Gazeta10.
Kjo komunë nuk është ndal me kaq.
Komuna e Istogut ka përfunduar procedurat e prokurimit edhe për blerje të veturave për administratën komunale në vlerë prej 71 mijë e 670 euro.
Sipas njoftimit për dhënien e kontratës, në total Komuna do të shpenzojë 124 mijë e 269 euro për blerjen e veturave për administratën komunale dhe atë për kryetarin e Komunës.
Tenderi ishte i ndarë në dy lote, ku në loton e parë është përfshirë blerja e veturave për administratën komunale dhe në loton e dytë blerja e veturës për zyrën e Kryetarit.
