12:55 / 17 April 2022
Kryeministri Albin Kurti mori pjesë në pritjen solemne, me rastin e festës së Pashkëve katolike të organizuar në Qendrën “BogdaniPolis”, në Katedralen Nënë Tereza në Prishtinë.
Me dëshirën për Pashkë të bardhë e të mbarë për familjet e të gjithë besimtarëve, Kurti uroi Imzot Dodë Gjergjin dhe besimtarët katolikë të pranishëm.
Në këtë pritje, i pari i Qeverisë u shoqërua nga Zëvendëskryeministrja Donika Gërvalla, Ministrja e Industrisë, Ndërmarrësisë dhe Tregtisë, Rozeta Hajdari dhe Ministri i Kulturës, Rinisë dhe Sportit, Hajrulla Çeku.
