11:08 / 9 May 2022
Kryeministri i Kosovës, Albin Kurti, është duke e përkrahur ekipin shqiptar Bad News Eagles, në turneun më të madh të CS:GO, në PGL Major.
Kurti përmes një postimi në Instagram ka shkruar duke iu uruar fitore, njofton Sot News.
“Dhe ja ku jemi sot në garën më të madhe të CS:GO, në PGL Major, duke bërë tifo për ekipin tonë të zemrës, Bad News Eagles. Kualifikimin e dëshiruar e arritëm, tani përpara për fitore. Go Eagles”, ka shkruar Kurti në Instagram.
Ndryshe, përballjen e parë ekipi shqiptar është duke e zhvilluar ndaj ekipit turk, Eternal Fire.
