6:54 / 22 October 2025
Takimi i parë zyrtar mes Kryeministrit në detyrë të Republikës së Kosovës, Albin Kurti dhe Kancelarit të Austrisë, Christian Stocker, u zhvillua në Londër, në margjina të Samitit të Procesit të Berlinit.
Kryeministri Kurti shprehu urimet e tij të përzemërta për shtetin dhe popullin austriak, në prag të shënimit të Ditës Kombëtare të Austrisë këtë fundjavë. Në këtë takim në margjina të Samitit, Kryeministri Kurti dhe Kancelari Stocker biseduan edhe për marrëdhëniet bilaterale, çështjet rajonale, sigurinë dhe integrimin evropian.
