Përfaqësuesi i Bashkimit Evropian për dialogun ndërmjet serbisë dhe Kosovës, Miroslav Lajçak, në forumin “BE përballë Ballkanit” në Sofje tha se ka një momentum të përshtatshëm për integrimin e Ballkanit Perëndimor në BE dhe se rajoni duhet ta shfrytëzoi pa vonesë këtë mundësi.
Lajçak shkroi në Twitter se ai vuri në dukje në panelin me Majlinda Bregun, Sekretaren e Përgjithshme të Këshillit të Bashkëpunimit Rajonal, se rajoni duhet të shfrytëzojë mundësinë.
“Kam udhëtuar në Sofje për të marrë pjesë në Forumin BE takon Ballkanin. Në panelin tim me Sekretaren e Përgjithshme të Këshillit të Bashkëpunimit Rajonal, Majlinda Bregu, theksova se tani kemi një momentum të volitshëm për integrimin e Ballkanit Perëndimor në BE. Rajoni duhet ta shfytëzoi pa vonesë”, ka shkruar Lajçak.
