Anëtarja e Komisionit të Pavarur të Mediave, Luljeta Aliu ka reaguar në rrjetin social në Facebook pas përkrahjes ndaj Klan Kosovës.
Ajo është shprehur se nuk i kupton njerëzit se përse solidarizohen mes veti për shkak të profesionit të njëjtë.
Më tutje Aliu ka thënë se nuk mbrohet profesioni duke mbrojtur shkeljet e dikujt, kushdo qoftë ai/ajo.
Reagimi i plotë:
Nuk e kuptoj pse njerëzit tanë me u solidarizu mes vete vetëm për shkak të profesionit të njëjtë. Mësuesit, gjyqtarët, prokurorët e kështu me radhë, përsëritjet e mbrojnë- të tjerët pa marrë parasysh shqetësimt që mund t’i bëjnë.
Nuk mbrohet profesioni duke mbrojtur shkeljet e dikujt, kushdoqoftë ai/ajo. Kjo nuk është shenjë kolegialiteti, por bashkëpunim në keqbërje. Profesioni mbrohet duke i denoncuar keqbërësit, duke mbrojtur ligjet dhe rregulloret e profesionit.
Para se ta mbroni dikë, para se të merrni vendime, mendohuni se cili është fitimi i cili dëmi që pason nga ato vendime/sjellje tuaj.
E njëjta vlen edhe për mediet.
