4:04 / 5 December 2024
Lumbardh Salihu edhe zyrtarisht është kandidat i Lidhjes Demokratike të Kosovës për deputet.
Salihu ka thënë se është jashtëzakonisht i nderuar nga propozimi i Lumir Abdixhikut për të qenë kandidat për deputet.
“E shoh këtë mundësi si një përgjegjësi të madhe dhe jam plotësisht i përkushtuar për të dhënë kontributin tim maksimal, duke synuar mbështetjen e qytetarëve tanë, që LDK të dalë fituese në këto zgjedhje. Programi ynë, “Rruga e Re”, ofron një vizion të qartë për zhvillimin dhe një të ardhme më të ndritur për vendin tonë”, ka shkruar Salihu.
Fituesi i BIG Brother VIP Kosova 3 ka thënë se nëse fiton për deputet, do të përqëdrohet në çështjet e rinisë dhe sportit.
