10:36 / 3 June 2022
“Ke bërë një ‘gabim historik dhe thelbësor’ duke pushtuar Ukrainën”, është porosia qe presidenti francez Emmanuel Macron i ka drejtuar Vladimir Putinit.
“Unë mendoj, dhe i thashë, se ai bëri një gabim historik dhe thelbësor për popullin e tij, për veten dhe për historinë”, është rrëfyer Macron në një intervistë për mediat rajonale franceze.
Presidenti Macron gjithashtu nuk përjashtoi mundësinë e një vizite në Kiev.
Udhëheqësi francez ka pasur shumë më tepër kontakte me Putinin që kur forcat ruse pushtuan Ukrainën, krahasuar me shumicën e homologëve të tij perëndimorë.
Telefonata e fundit e raportuar ishte një bisedë trepalëshe të shtunën mes Macron, Putin dhe kancelarit gjerman Olaf Scholz.
