“Mos lësho pe”: A është kjo gjyshe, të cilës Kurti ia puthi dorën, autorja e slloganit të VV-së?

Ditë më parë, pas publikimit të slloganit zyrtar të VV-së, u hap një temë në publik në lidhje me kuptimin dhe autorësinë e slloganit “Siguri dhe begati. Mos lësho pe”.

Shumë njerëz fjalinë e dytë të slloganit, pra “mos lësho pe”, e ndërlidhën me një fjalim të famshëm të Agim Bahtirit, tash sërish kandidat i VV-së për deputet.

Megjithatë, ditëve të fundit, në rrjetet sociale ka shpërthyer një video, ku shihet Albin Kurti dhe një e moshuar, e cila ia lë një porosi Kurtit gjatë bisedës.

“Mos lësho pe” – i thotë e moshuarja Kurtit.