“Kjo është karta e fundit e Vuçiqit në përpjekje për të manipuluar me situatën në veri të vendit”.
Kështu është shprehur analisti, Imer Mushkolaj për Portalin Dukagjini pas vendimit të Listës Serbe për bojkotimin e institucioneve të Kosovës.
Në takimin e mbajtur në Zveçan, Kyetari i Listës Serbe, Goran Rakiq dhe katër kryetarëve të komunave me shumicë serbe në veri të Kosovës, kanë vendosur për bojkotimin e institucioneve të Kosovës. Sipas Mushkolaj, një situate e tillë paraqet një sfidë për institucionet e vendit.
“Kjo është karta e fundit e Vuçiqit në përpjekje për të manipuluar me situatën në veri të vendit. Por, po ashtu, është një sfidë për institucionet e Kosovës se si t’i japin zgjidhje situatës së krijuar, duke pasur parasysh gjendjen e brishtë të sigurisë”, ka deklaruar Mushkolaj.
