Ish-kryeministri nga radhët e LDK’së, Isa Mustafa, ka përkujtuar veprën e Bujar Bukoshit, ish-kryeministër, i cili vdiq sot.
Mustafa me anë të një shkrimi në ‘Facebook’ tha se Bukoshi s’u dorëzua asnjëherë dhe se ishte i drejtë dhe i pastër si loti.
“Sot nuk mund të shkruaj gjatë për Kryeministrin tim dhe Kryeministrin e Kosovës dr Bujar Bukoshi i cili iku nga kjo jetë. Kam shumë për të thënë për njeriun që në kohët më të vështira drejtoi Qeverinë në ekzil, për njeriun që nuk u dorëzua asnjëherë sepse ishte i guximshëm, i ditur, i drejtë dhe i drejtpërdrejtë, i pastër si loti. Kontributi i tij vështirë se mund të matet, sepse punoi në kohë të pakohë, ku vetëm idealizmi për lirinë e Kosovës e drejtoi përpara. Bujari ishte dhe do të mbetet kolos i pavarësisë së Kosovës”, deklaroi Mustafa.
