4:24 / 17 May 2025
Presidentja e Republikës së Kosovës, Vjosa Osmani, është takuar me kancelarin gjerman, Friedrich Merz.
Takimi zuri vend në Tiranë, aty ku po mbahet Samiti i Komunitetit Politik Evropian.
Pasi shkëmbyen qëndrime dhe analiza rreth tema të caktuara, Osmani u shpreh se mezi pret të punojë me kancelarin Merz për të forcuar partneritetin Kosovë-Gjermani.
“Gjermania ka qëndruar prej kohësh pranë Kosovës, si një mik, një partner dhe një aleat i palëkundur.
Ishte kënaqësi të takoja kancelarin Friedrich Merz në Tiranë gjatë Samitit të Liderëve të EPC-së.
Pres me padurim të punoj me kancelarin për të forcuar partneritetin tonë ndërsa punojmë së bashku drejt një të ardhmeje të përbashkët evropiane” shkroi Osmani.
