9:21 / 4 July 2025
Presidentja e Kosovës, Vjosa Osmani, me rastin e shënimit të përvjetorit të 249 të Pavarësisë së ShBA-së, ka theksuar se sot edhe Kosova feston krah për krah me Amerikën, me aleaten më të madhe.
Osmani tha se Amerika qëndroi pranë Kosovës në orët e saj më të vështira dhe vazhdon të qëndrojë e palëkundur edhe sot.
Postimi:
“Sot, edhe Kosova feston krah për krah me Amerikën, aleatin tonë më të madh, që qëndroi pranë nesh në orët tona më të vështira dhe vazhdon të qëndrojë e palëkundur me ne edhe sot.
Faleminderit Ambasadës Amerikane për organizimin e festës së veçantë në nder të Ditës së Pavarësisë së SHBA-ve këtë javë!”, ka shkruar presidentja e vendit.
