NGA: REXHEP TORTE
Kjo opozitë mjerane përkundër të gjitha tradhtive dhe dëmeve që ia ka shkaktuar dhe po ia shkakton Kosovës, kjo opozitë mjerane, me pafytyrësinë më të madhe po mundohet t’i fajësojë padrejtësisht Albin Kurtin dhe Qeverinë e tij dhe Presidenten Vjosa Osmani.
Të kota janë kukuvajkat e PDK-së, LDK-së dhe AAK-së dhe të gjitha akuzat me të cilat e fajësojnë Qeverinë ë Albin Kurtit, sepse Albin Kurti nuk ka bërë tradhti, nuk ka bërë hajni multi milionëshe siç bëri PDK me Hashim Thaçin, Kadri Veselin, nuk ka bërë tradhti dhe hajni siç bëri Isa Mustafa, nuk ka bërë tradhti dhe hajni siç ka bërë Ramush Haradinaj.
PDK, LDK dhe AAK, fillimisht duhet ta pastrojnë veten nga fëlliqësirat, të ligat dhe dëmet që ia shkaktuan dhe që po Ia shkaktojnë edhe sot Kosovës, qoftë me tradhti në dialogun Kosovë-Serbi, qoftë me servilizmin ndaj Serbisë, qoftë më bashkëpunimin me strukturat paralele, me bandat e armatosura kriminale serbe dhe me kontrabandistët serbë në Veri të Kosovës, e më pastaj të marrin guximin ta kritikojnë Albin Kurtit dhe Qeverinë e tij dhe Presidenten Vjosa Osmani, që shkëlqejnë nga pastërtia, nga dinjiteti dhe nga dashuria për Kosovën.
