Profesori i filozofisë në Universitetin e Tiranës, Artan Fuga, ka denoncuar mbledhjen e përbashkët të sotme të Kuvendit të Shqipërisë dhe atij të Kosovës duke nënkuptuar se ajo në fakt nuk jepte kurrfarë mesazhi politik.
Ai tregoi edhe kushtet e pamundësisë së këtij mesazhi politik, duke përmendur një varg faktesh që nuk u përmendën në mbledhjen e përbashkët.
Fuga shton se 28 nëntori është “dita e pavarësisë së Shqipërisë, jo e Kosovës”.
“Që ç’a? Tregojmë forcën si shqiptarë kombeve të tjera të Ballkanit? Po sikur parlamenti serb të bënte mbledhje të përbashkët me parlamentin e Malit të Zi, të Serbisë, si do të na vinte ne? Nuk do bërtisnim se Serbia por na kërcënon?” – shton më tej z. Fuga në postimin e tij në Facebook.
Duhet të kujtojmë se në këtë mbledhje folën përveç kryekuvendarëve edhe kryeminsitrat dhe disa deputetë të tjerë.
