Gazetari Vehbi Kajtazi nëpërmjet një postimi në Facebook ka komentuar mbi blerjen e armëve që Kosova e bëri nga Shtetet e Bashkuara të Amerikës. Ai ka thënë se përveç fotografive me armë e uniforma, duhet të përmenden disa fakte.
Ai ka thënë se vetëm 1 përqind e popullit të Kosovës ka marrë pjesë në luftën çlirimtare të viteve 1998-1999 dhe ushtarët e UÇK-së pas luftës janë konsideruar armiku kryesor.
Tutje, ai ka përmendur dënimin me burgim ndaj Salih Mustafës nga Gjykata Speciale duke thënë se një pjesë e shoqërisë është e lumtur më këtë fakt.
Kajtazi ka përmendur deklarimet e ministrit të Financave, Hekuran Murati i cili kishte thënë se për Kosovën do të ishte më lirë të paguhen mercenarë.
Ai ka thënë se gjendja tashme është ndryshe pasi Kosova ka ushtri e cila është themeluar në një kohë kur s’do ta besonte askush dhe se Kosova duhet të vazhdojë të blejë armë.
Kajtazi thotë se duhet të ketë guxim për përdorimin e armëve, ngase ata që kanë luftuar në vitet 98-99 po përballen me drejtësinë, ndërsa sot duhet të luftojnë ata që dezertuan në vitet e luftës.
