12:09 / 7 September 2022
Deputeti i LDK-së, Driton Selmanaj, ka thënë se presidentja Vjosa Osmani, nuk ka arritur të dal nga petku i Vetëvendosjes.
“Presidentja duhet të shkëputet nga Albin Kurti, kjo do të ishte e mirë për vendin, në kuptimin e mendimit politik dhe të agjendës së Albin Kurtit.
Fatkeqësisht presidentja është spektatore e proceseve dhe e fundit që reagon për çështje të ndryshme”, ka deklaruar Selmanaj në RTK.
Sipas tij, presidentja zakonisht reagon kur çështjet marrin epilog ose kur qëndrimi i saj më nuk ka vlerë.
Selmanaj ka thënë se Albin Kurti është ai që vendos se çfarë flet presidentja.
