Produksioni i Big Brother VIP Kosova konfirmoi se fundi Olta Gixharin opinioniste të spektaklit. Edhe pse aktorja u shfaq si një nga konkurentet më të forta të BBVA, dhe e elektrizoi publikun me lojë e saj, ky vendim shkaktoi habi sepse prej disa javësh në rrjet përflitej që në kolltukun e opinionistes do të ulej ish-banorja e Big Brother VIP, Einxhel Shkira.
Por sipas “Kryefjala”, një debat i ashpër i momenteve të fundit e la Einxhel jashtë ekranit.
Ajo është perplasur me producenten e Big Brother VIP Kosova, Olsa Muhameti, ndërsa shkaku i sherrit është ende i paqartë sepse asnjë prej tyre nuk ka reaguar.
Disa kohë më parë, kur u pyet pse është tërhequr nga ekrani, Shkira ironizoi, duke shkruar në rrjetet sociale “S’të lë radhë njeri, jemi bërë 5 moderatorë për metër katror”.
Pas daljes nga Big Brother VIP, Einxhel Shkira u zhvendos në Prishtinë, ku krijoi familjen e saj së bashku me DJ Dagz.
