Kyetari i komunës së Preshevë, Shqiprim Arifi në një intervistë ka kritikuar Qeverinë e Kosovës dhe të Shqipërisë ndaj Luginës së Preshevës duke i vlerësuar me notën zero
Kryetari Arifi ka potencuar vërjetje të mëdha sidomos në mosrealizimin e transferimit të mjeteve prej 2 milion euro drejt Luginës së Preshevës.
“Qeveria e Kosovës po manevron sepse nuk po di si me dal nga qorrsokaku që e ka futur veten dhe e kanë të vështirë me kallzu se janë të mençur kur shihet se nuk dalin bash të mençur nga kjo situatë sepse vetveten e kanë futur aty dhe duhet ta kuptojnë se paratë (2 milion) janë të qytetarëve të Preshevës andaj çdo veprim dekonstruktiv që unë e kam pa te Qeveria e Kosovës është për me kontaminu vendimin për mi dërgu disa para në Preshevë dhe kjo është për notën zero” ka deklaruar Arifi
Shqiprim Arifi me notën zero ka vlerësuar edhe Qeverinë e Kosovës dhe të Shqipërisë por edhe qeverisjen e Ardita Sinanit sa i përket angazhimit të tyre për pasivizimin e shqiptarëve nga ana e Serbisë
“Kabineti im ka lobuar në Stejt Departament për pasivizimin e adresave. Qeverisja Sinani nuk ka bërë asgjë për këtë problematikë, çka ka bërë Kosova për këtë problematikë, çka ka bërë Shqipëria? Zero, zero…” ka shtuar Arifi
Kujtojmë se Qeveria Kurti ka paraparë ndarjen e 2 milion euro për Luginën e Preshevës dhe javën e kaluar ka filluar implementimi i këtyre mjeteve ku Këshillit Kombëtar Shqiptar i janë ndarë 225 mijë euro për financimin e teksteve shkollore për 4010 nxënës shqiptarë nga Lugina e Preshevës
