Jeta Statovci bartëse e listës së partisë “Guxo” për asamblenë komunale në Prishtinë, ka thënë se gjatë kësaj qeverisje, kryetari ka jetuar në realitet tjetër me qytetarët.
Ajo ka përmendur premtimet e mëdha që ka dhënë kryetari aktual Përparim Rama, e që sipas saj po e përfundon mandatin pa i dhënë zgjidhje asnjë problemi.
Statovci në emisionin “Këndi i Debatit” në Tëvë1, ka thënë se realiteti është se qytetarët përballen me probleme nga ato më esenciale.
“Në Prishtinë kanë ekzistuar dy realitete, ku kryetari i komunës dhe qytetari kanë qenë në dy realitete tërësisht të ndryshme. Gjatë këtij mandati kanë qenë projekte të mëdha, megalomane dhe numër të madh të premtimeve dhe përfundon pa i dhënë zgjidhje asgjëje. Në rrafshin e realitetit të qytetarëve ka mungesa të nevojave më esenciale”, ka thënë ajo.
